Tā HiriniMokohaerewa Mead 1927- 2026
Oki oki atu ra ki o matua ki o tipuna.
Hikohiko teuirā, papā te whaitiri ki runga i ngā awa ararau ō Tarawera, ō Te Awa o TeAtua, ō Rangitāiki, o Orini, o Whakatāne. Ka kūtia ka wherahia ngā toka tipua oTe Paepae ō Aotea, ko koe tēnā e Koro Hirini Mokohaerewa Mead.
Kua hingate toki tangatanga i te rā. Kua takoto te rākau tawatawa ō Awanuiārangi wānangarau. E te toki hemihemi o Te Rūnanga o Ngāti Awa. E te tauiho tuarae o Te WhareWānanga o Awanuiārangi.
E tepoutokomanawa ō Te Reo Irirangi o Te Mānuka Tūtahi. E te pou matapū ō Te Tohu ote ora o Ngāti Awa. E te whakaruruhau o te iwi, o ngā hapū kārangaranga o NgātiAwa, kua ngū, kua moe ki tuārae o Hinenuitepō.
E te punawhakareia o te kauae runga, o te kauae raro, moe mai rā, takoto mai rā, okiokie.
E nga iwi,e ngā kārangarangatanga huri noa i te motu. Kua moe te Ariki Awatope MānukaTūtahi, te toka tūmoana, ākinga tai, ākinga ngaru tuātea o te ao kōhatu.
Te uriwhakaheke o ngā kāwai Rangatira o Ngāti Awa, o Tūhourangi mē Tūwharetoa. Temātāmua o ngā tamariki o Paranihia Pāpākore (Elsie) Moko. Te mokopuna a TeMokohaerewa Riini Manuera rāua Moetu Arewhita Nehuahiahi Awa Horomona. Nā temate kōrua ko tō makau a June Te Rina (nee Walker) i wehe, ā, kua riro mā temate kōrua ko te
putiputi oNgāti Porou i tūhono. He aroha pūmau, he aroha e kore e tīneia mō āke tonu atu.
Kua mahuemokemoke mai ana tamariki tokotoru a Linda Tuhiwai Smith, a Aroha Te Pareake meHinauri Moetu. Ko ana mokopuna ēnei e tangi mōteatea atu nei i raro i te kapuapōuri.
NgāWhakanekeneke. Ka tau te tūpāpaku o tō tatou mōrehu koroua ki tana marae kiKōkōhīnau, ka takoto ki roto i te tipuna whare Ōruataupare.
Hei tetūrei te tuarua o Hune i te 10am, ka tīmata ngā karakia whakamutunga, muri iho,ka tanumia ki te urupā o Kōkōhīnau i waenga i tana rahi o Te Pahipoto nui tonu.Nā te whānau, me
TuwhakairioraO’Brien Tumuaki o Te Rūnanga o Ngāti Awa
Dr JimMather Chairman Ngāti Awa Group Holdings
The Hon.Justice Layne Harvey Chairperson Te Whare Wānanga o Awanuiārangi
Kay ReadChairperson Te Tohu o Te Ora o Ngāti Awa
Related Pānui
Explore our recent blog posts and articles.
.jpg)
